జీడిమెట్ల, వెలుగు: డాక్టర్ బీఆర్ అంబేడ్కర్ స్ఫూర్తితో యువత ఉన్నత శిఖరాలకు చేరుకోవాలని రాష్ట్ర కార్మిక శాఖ మంత్రి వివేక్ వెంకటస్వామి పిలుపునిచ్చారు. సూరారంలోని తెలుగుతల్లి నగర్లో శనివారం జరిగిన అంబేడ్కర్ జయంతి ఉత్సవాల్లో ఆయన ముఖ్య అతిథిగా పాల్గొన్నారు. అణిచివేతకు గురైన వర్గాలకు రాజ్యాంగ రక్షణ కల్పించి, వారిని బలవంతులుగా తీర్చిదిద్దిన ఘనత అంబేడ్కర్కే దక్కుతుందని కొనియాడారు.
లక్షలాది మంది జీవితాల్లో ఆయన ఆశాదీపంగా నిలిచారని గుర్తు చేశారు. ఈ సందర్భంగా తెలుగుతల్లి నగర్లో అరవై గజాల ఇండ్ల పట్టాల సమస్యలను స్థానికులు మంత్రి దృష్టికి తీసుకెళ్లగా, సానుకూలంగా స్పందించారు. ఈ సమస్యను రెవెన్యూ మంత్రి పొంగులేటి శ్రీనివాసరెడ్డితో చర్చించి పరిష్కారానికి కృషి చేస్తానని హామీ ఇచ్చారు.
